Каманда з Інстытута Karolinska дала адказы на пытаньне, якое доўгі час хвалявала дасьледчыкаў: ці здольны чалавечы мозг ў дарослым узросьце ствараць новыя нэйроны, і адкуль яны паходзяць, піша часопіс «Science».
Раней, у 2013 годзе, група пад кіраўніцтвам прафэсара Ёнаса Фрысэна даказала, што гіпакамп здольны на нэйрагэнэз, але маштабы і значэньне той зьявы заставаліся пад пытаньнем. Ня было ясна, якая клеткавая структура адказвае за гэты працэс.
Цяпер ім удалося ідэнтыфікаваць клеткі крыніцы — даказана, што неперарыўны рост нэйронаў у дарослым гіпакампе рэальна адбываецца. У дасьледаваньні былі выкарыстаныя тканкі гіпакампа людзей ва ўзросьце ад нараджэньня да 78 гадоў. Навукоўцы назіралі розныя стадыі разьвіцьця нэйронаў: ад ствалавых клетак да маладых мозгавых клетак. Новыя клеткі былі выяўлены ў пэўнай вобласьці гіпакампа, якая важная для фарміраваньня памяці, навучаньня і пазнавальнай гнуткасьці.
Прафэсар Фрысэн падкрэсьлівае, што гэта важны фрагмэнт у разуменьні дзейнасьці і зьмен мозга на працягу жыцьця, які можа адкрыць шлях да рэгенэратыўнай тэрапіі ў выпадках нэўраадэгенэратыўных і псіхіятрычных хвароб, шляхам стымуляцыі нэйрагенэзу.
Форум