Пра гэта паведаміў сайт Detroit Hockey Now.
Мішук нарадзіўся 29 верасьня 1940 году ў вёсцы Налібакі на Стаўпеччыне ў Менскай вобласьці.
У час нямецкай акупацыі ў 1943 годзе хлопчыка разам зь сям’ёй прымусова вывезьлі ў Нямеччыну.
Пасьля вайны сем’і зь нямецкіх лягераў пераяжджалі ў Канаду. Такая была гісторыя і ў Джонавай сям’і. Спачатку ў 1950 годзе ў Канаду пераехаў бацька Джона, які знайшоў там працу на грыбной фэрме. Пасьля ён вярнуўся па астатнюю сям’ю і перавёз усіх у Гэмілтан (Антарыё). Па вайне ў Гэмілтан пераехала і шмат іхніх знаёмых з Налібак.
Джон Мішук у Налібаках
Хлопчык пачаў гуляць у хакей у 10 гадоў, што лічылася даволі позьнім узростам. Аднак ён здолеў прабіцца ў НХЛ, дзе правёў 237 матчаў як абаронца ў складзе «Дэтройта», «Чыкага», «Філядэльфіі» і «Мінэсоты».
У чэрвені 2019 году Мішук прыяжджаў на радзіму — упершыню за шмат гадоў.